Is é an Foras Pátrúnachta an pátrún is mó in Éirinn ar scoileanna lán-Ghaeilge ag an mbun- agus ag an iar-bhunleibhéal. Tá 80 scoil faoina bpátrúnacht. Tá an Foras Pátrúnachta ina phátrún ar scoileanna lán-Ghaeilge a bhfuil éiteas Caitliceach, Ilchreidmheach, Ionchreidmheach agus Idirchreidmheach (Caitliceach/Protastúnach) acu.

Cuireann an Gúm foilseacháin agus áiseanna ar fáil a thacaíonn leis an oideachas trí mheán na Gaeilge agus le húsáid na Gaeilge i gcoitinne. Ar an gcaoi seo, tacaíonn An Gúm le hoideachas trí mheán na Gaeilge agus le múineadh na Gaeilge.

Cruthaíonn An tÁisaonad áiseanna foghlama agus teagaisc ardchaighdeáin atá saindírithe ar riachtanais daltaí Gaelscoile. Cuireann na háiseanna nuálacha le heispéireas foghlama an dalta, le teagasc éifeachtach an mhúinteora agus le forbairt earnáil na Gaelscolaíochta trí chéile, thuaidh agus theas. Tá an tÁisaonad lonnaithe i gColáiste Ollscoile Naomh Muire i mBéal Feirste.

Tá Branar Téatar do Pháistí ar cheann de phríomhchompántais amharclannaíochta na hÉireann a chruthaíonn saothar ealaíne do pháistí. Bunaíodh Branar in 2001 agus tá os cionn 20 seo cruthaithe acu sa tréimhse sin. Oibríonn siad go dlúth le foireann iontach ealaíontóirí agus le comhpháirtithe cruthaitheacha éagsúla ar nós The Ark, Babóro, NIE (Sasana), Starcatchers (Albain), Teatre Reflekion (An Danmhairg) agus le príomhionaid agus féilte ealaíne na hÉireann. Téann an compántas ar camchuairteanna náisiúnta agus idirnáisiúnta lená gcuid oibre a chur ar stáitse in ionaid ealáine éagsúla ó Londain go scoileanna áitiúla na Gaillimhe.

Foilsíonn CIC, atá lonnaithe i gConamara, réimse an-leathan litríochta: cnuasachtaí filíochta, gearrscéalta agus amhrán, úrscéalta, leabhair do dhéagóirí, leabhair do pháistí, tráchtais taighde agus leabhair staire. Foilsíonn siad táirgí ceoil freisin: taifeadtaí sean-nóis, ceoltóirí aonair, grúpaí traidisiúnta, srl.

Déanann an Chomhairle um Oideachas Gaeltachta agus Gaelscolaíochta freastal ar riachtanais oideachais na scoileanna Gaeltachta agus na scoileanna lán-Ghaeilge. Tá feidhmeanna maidir le múineadh na Gaeilge i scoileanna eile na tíre ag an gComhairle chomh maith. Tá trí mhór-réimse oibre ag an gComhairle: soláthar acmhainní teagaisc, seirbhísí taca agus taighde.

Trí chúrsaí, clubanna óige, imeachtaí agus gníomhaíochtaí a reáchtáil díríonn Cumann na bhFiann ar chúnamh a thabhairt do dhaoine óga a líofacht agus a muinín i labhairt na Gaeilge a fhorbairt agus grá agus meas ar ár dteanga dhúchais a chothú iontu freisin. Eagraíonn Chumann na bhFiann sraith turais scoile, ‘Carnabhal na nGaelscoileanna’, do pháistí Gaelscoileanna agus scoileanna Gaeltachta. Tá rogha sé ionad éagsúil, ina mbeidh Carnabhal na nGaelscoileanna ar siúl i 2024. Tugann Carnabhal na nGaelscoileanna deis do dhaltaí scoile, bualadh le daltaí ó Ghaelscoileanna eile ar thuras a eagraítear go hiomlán tré mhéan na Gaeilge. Is deis iontach í seo, labhairt na Gaeilge a normalú do bhur ndaltaí, lasmuigh den seomra ranga/geataí na scoile agus cur leis an dea-obair atá ar siúl agaibh cheana féin sa scoil.

Is é Conradh na Gaeilge fóram daonlathach phobal na Gaeilge. Tá níos mó ná 200 craobh agus an iliomad ball aonair ag an gConradh ar fud na cruinne, baill a bhíonn ag saothrú chun úsáid na teanga a chur chun cinn ina gceantar féin. Is í príomhaidhm na heagraíochta an Ghaeilge a spreagadh mar ghnáth-theanga labhartha na hÉireann. Tá idir ranganna Gaeilge, abhcóideacht ar son chearta teanga, Seachtain na Gaeilge, PEIG.ie, An Siopa Leabhar, thacaíocht do Raidió Rí-Rá agus eile ar bun ag an eagraíocht.

Foilsíonn Dalen Éireann úrscéalta grafacha agus stiallghreannáin i nGaeilge. Foilsíonn Dalen Cyf úrscéalta agus stiallghreannáin i mBreatnais, i gCoirnis, in Albainis agus i mBéarla freisin.

Cuireann dbgmata.ie áiseanna ar fáil idir théacsleabhair cruaidh agus áiseanna digiteacha. 'Siad an dá phríomh luach lená n-ofráil ná: 1) Feabhsaímid torthaí scoláirí Mata & Eolaíochta trí ardán d’áiseanna, de ghníomhaíochtaí agus d’ábhar foghlama a thacaíonn le agus a thógann ar obair an tseomra ranga 2) Cuirimid lárionad ar fáil do mhúinteoirí a thacaíonn le barr feabhais a bhaint amach san earnáil lán-Ghaeilge trí bhunachar áiseanna, pobal cleachtais agus ardán meantóireacha agus forbartha gairmiúil.

Féachann Futa Fata leis an gcaighdeán is airde a bhaint amach le gach leabhar a thagann uathu, bíodh sé sin ina leabhairín cairtchláir don pháiste óg nó ina shaothar neamhfhicsin don duine fásta. Tá leabhair do gach aoisghrúpa foilsithe acu, ach cuirtear béim ar leith ar ábhar spreagúil a chur ar fáil do léitheoirí óga. Tá suim ar leith acu sa cheol agus sna hamhráin agus tá mór-éileamh ar na dlúthdhioscaí atá acu.

Is é Coláiste na hÉireann/Gaelchultúr, a bunaíodh in 2004, an soláthraí is mó cúrsaí Gaeilge ar domhan agus an chéad institiúid tríú leibhéal lán-Ghaeilge.

An phríomhaidhm atá ag Gael Linn ná an Ghaeilge agus a hoidhreacht a chothú agus a chur cinn ar fud Éireann uile mar theanga bheo agus mar spreagadh féiniúlachta. Eagraíonn siad imeachtaí do bhunscoileanna & d’iar-bhunscoileanna – Coirm, Féilte Peile, Gaelbhratach, Díospóireachtaí, Scléip, Siansa, Abair, Tráth na gCeist.

Cuireann Giglets réimse leathan de théacsanna agus d'áiseanna Gaeilge ar fáil don seomra ranga.

Giglets is an online multilingual literacy and language resource, developed in partnership with schools to support Superhero Teachers deliver an engaging and differentiated learning experience for all pupils. The rich, rigorous and relevant range of texts encourages a love of reading, and challenges pupils to improve comprehension and language acquisition through a range of HOTS questions and literacy rich tasks.

Déanann agus soláthraíonn Glanmore Foods bia atá sláintiúil, beathúil agus blasta (sneaiceanna, lóin, clubanna bricfeasta agus clubanna obair bhaile) do bhunscoileanna agus d’iarbhunscoileanna. Déanann siad freastal, faoi láthair, ar bhreis agus 300 scoil gach lá, ag freastal ar riachtanais 38,000+ daoine óga.

Global Village is a Global Citizenship Education (GCE) programme for primary schools in Ireland. It aims to support primary school pupils to become active global citizens committed to building a fairer and more sustainable world. Engaging with teachers and school communities, Global Village is working to increase the reach, quality, accessibility, and effectiveness of GCE in primary schools. Global Village aims to do so through research, learning and establishing connections with key stakeholders in the GCE and Primary Education sectors. Global Village is the strategic partnership for Global Citizenship Education in Primary Schools between Irish Aid at the Department of Foreign Affairs, and a consortium of four partners: Dublin City University (DCU), the Irish National Teachers’ Organisation (INTO), the Irish Primary Principals’ Network (IPPN) and Trócaire. 

Is é Gréasán Gaeilge na hEarnála Poiblí an gréasán nua a bunaíodh chun daoine atá ag obair san earnáil phoiblí a thabhairt le chéile agus a bhfuil suim acu a gcuid Gaeilge a úsáid, a chleachtadh nó a fhorbairt ag ócáidí rialta. Tá sé beartaithe 4 mhór-imeacht ar an meán a reáchtáil in aghaidh na bliana, mar aon le himeachtaí réigiúnacha, sainspéise agus imeachtaí éagsúla inniúlachta.

Bunaíodh High Rock Productions in 2011 chun seónna agus ceardlanna oideachasúla a chur ar fáil do dhaltaí scoile ar bhealach taitneamhach, nádúrtha agus spraíúil. Tugann siad cuairteanna ar scoileanna agus ar amharclanna fud fad na tíre agus bíonn na seónna agus na ceardlanna seo bríomhar agus idirghníomhach.

Pobal teagaisc, foghlama agus taighde is ea Institiúid Oideachais Marino atá tiomanta d’ionchuimsiú agus do bharr feabhais san oideachas a chur chun cinn. Is coláiste comhlachaithe de chuid Choláiste na Tríonóide, Baile Átha Cliath, Ollscoil Bhaile Átha Cliath é IOM, agus cuireann sé cláir fochéime agus iarchéime san oideachas ar fáil, lena n-áirítear cláir oideachais tosaigh múinteoirí. Is céim ar leith é an Baitsiléir san Oideachas Trí Mheán na Gaeilge (Bunmhúinteoireacht), atá ar cheann de na cláir sin, a oireann go speisialta do mhic léinn a dteastaíonn uathu múineadh san earnáil oideachais Lán-Ghaeilge i.e. i scoileanna Gaeltachta nó i scoileanna Lán-Ghaeilge. Tá géarghá le múinteoirí do scoileanna Gaeltachta agus do scoileanna Lán-Ghaeilge agus tá cáilíocht mhúinteoireachta trí mheán na Gaeilge ag teastáil ó mhic léinn atá ag iarraidh múineadh sna scoileanna sin. Sa chéim cheithre bliana seo déantar staidéar ar an tumoideachas, ar na bealaí ina bhfoghlaimíonn páistí teanga, ar na bealaí ina bhfoghlaimíonn siad conas léamh, scríobh, comhaireamh agus áireamh. Foghlaimítear conas na healaíona a chur ar shúile na bpáistí, faoin tábhacht a bhaineann leis an gcultúr Gaelach mar aon leis an draíocht agus na mistéir mórthimpeall orthu, agus na bealaí chun fás agus forbairt ar bhealach sláintiúil. Is féidir teacht ar thuilleadh eolais faoin gcéime ag suíomh na hInstitiúide ag www.mie.ie/oid

Tá JD Resources ag freastal ar riachtanais bhunscoileanna na tíre le breis agus fiche bliain anuas. Soláthraíonn siad réimse leathan agus éagsúil léarscáileanna, taispeántais lasmuigh, acmhainní bithéagsúlachta, folláine, cairteacha airde agus go leor eile nach iad.

Cuireann Lámh Chúnta réimse acmhainní ar fáil chun múineadh agus foghlaim na Gaeilge a dhéanamh níos tarraingtí don fhoghlaimeoir agus don mhúinteoir: leabhair, leabhair saothair, cluichí teanga agus cumarsáide, Fónaic agus Rann, srl.

Freastalaíonn Óga Yoga ar dhaoine ar gach aois grúpa ar mhaith leo tabhairt faoin yoga agus faoin aireachas as Gaeilge. Cuireann siad cúrsaí yoga agus aireachais ar fáil ar scoil agus ar líne do scoileanna timpeall na tíre: ceardlanna lae, gearrchúrsaí a mhaireann téarma agus cláir a ritheann ar feadh na scoilbhliana ar fáil. Is féidir le scoileanna leas a bhaint as cuairteanna scoile, seisiúin idirghníomhacha bheo ar Zoom agus ranganna réamhthaifeadta fiú.

Seirbhís tacaíochta nua de chuid na Roinne Oideachais do scoileanna, a bunaíodh ó chomhtháthú ceithre sheirbhís tacaíochta a bhí ann cheana féin: an Lárionad um Cheannaireacht Scoile, an tSraith Shóisearach do Mhúinteoirí, an Clár Náisiúnta Ionduchtaithe do Mhúinteoirí agus an tSeirbhís um Fhorbairt Ghairmiúil do Mhúinteoirí. Is í an aidhm atá ag Oide ná cabhrú le foghlaim ghairmiúil ceannairí scoile agus múinteoirí agus é sin a dhéanamh ar bhealaí ceannródaíocha, nuálacha a chinntíonn go mbíonn na heispéiris foghlama is fearr ag foghlaimeoirí óga.

Bunaíodh Oifig an Choimisinéara Teanga faoi scáth Acht na dTeangacha Oifigiúla 2003 le monatóireacht a dhéanamh ar chomhlíonadh fhorálacha an Achta ag comhlachtaí poiblí. Is é bunchuspóir an Achta go mbeadh breis seirbhísí ar ardchaighdeán ar fáil trí Ghaeilge ón tseirbhís phoiblí. Fiosraíonn an Oifig gearáin ón bpobal i gcásanna ina gcreidtear go bhfuil teipthe ar chomhlachtaí poiblí a ndualgais a chomhlíonadh faoin Acht. Cuireann an Oifig comhairle ar fáil don phobal maidir lena gcearta teanga agus do chomhlachtaí poiblí maidir lena ndualgais teanga faoin Acht.