Tá an seimineár seo ar fáil ar YouTube agus ar ár suíomh anois d’éinne nach bhfuair an deis freastal ar an oíche nó gur mhaith leo breathnú siar ar na rudaí a luadh ann.

Faigh sleamhnáin an tseimineár anseo.

Scaradh Teanga & Scaradh Sóisialta: Tábhacht an diantumtha & straitéisí praiticiúla ina leith Dírithe ar: Muinteoirí bunscoile

Aoichainteoirí: Dr T.J. Ó Ceallaigh, Coláiste Mhuire gan Smál, Anna Ní Chartúir, Scoil Sailearna agus Dónal Ó hAiniféin, Gaelscoil Mhíchíl Cíosóig (Cathaoirleach)

Bhí an cheardlann thábhachtach ar siúl ag Gaeloideachas thar Zoom ar an 16ú Meán Fómhair do mhúinteoirí agus phríomhoidí bunscoile ar an tábhacht a bhaineann le tumadh éifeachtach sa teanga ag tús na scoilbhliana seo de dheasca cúinsí a bhaineann le COVID-19.

Roinneadh straitéisí praiticiúla agus moltaí le linn na ceardlainne a mbeidh múinteoirí in ann a chur i bhfeidhm ina seomraí ranga féin. Le linn tréimhse dhúnta na scoileanna, ní raibh an teagmháil chéanna ag go leor scoláirí leis an nGaeilge – teagmháil atá riachtanach le cur lena gcuid scileanna agus saibhris teanga. Céard is féidir le scoileanna a dhéanamh anois le cinntiú go bhfuil go leor deiseanna fiúntacha ag na scoláirí bheith diantumtha go héifeachtach sa teanga?