Tá Gaeloideachas ag lorg duine le tuiscint agus taithí ar earnáil na luathbhlianta lán-Ghaeilge don ról nua seo. Post lánaimseartha atá ann, le conradh bliana.

Príomhchúraimí

1. Comhordú ar fhorbairt acmhainní don naíonra
2. Comhordú ar réimse agus raon an fhorbairt ghairmiúil trí mheán na Gaeilge do naíonraí agus tacú le forbairt an réimse
3. Tacú le cur i bhfeidhm an phlean náisiúnta don Ghaeilge sna luathbhlianta atá á fhorbairt ag an Roinn Leanaí, le foilsiú i 2025

Scála Tuarastail (Ardoifigeach Feidhmiúchán): €56,556-€71,227

Cáilíochtaí, Scileanna agus Taithí Riachtanach

1. Céim tríú leibhéal nó a chomhionann;
2. Tuiscint agus taithí ar an tumoideachas, go háirithe ag leibhéal an naíonra;
3. Ardchaighdeán Gaeilge, idir labhairt agus scríobh;
4. Ardscileanna eagrúcháin agus riaracháin;
5. Ardscileanna cur i láthair agus cumarsáide, idir phearsanta agus theicniúil.

Iarratais

An spriocdháta le haghaidh foirm iarratais agus CV ná meánlae, 7 Feabhra 2025 ar ríomhphost amháin, chuig foluntais@gaeloideachas.ie. Ní ghlacfar le haon iarratais i ndiaidh an spriocdháta.

Tá polasaí oibre hibrideach i bhfeidhm ag Gaeloideachas, le 2 lá san oifig gach seachtain, agus 3 lá gur rogha an fhostaí é bheith ag obair ón oifig nó on mbaile/áit eile atá feiliúnach don obair. Tá príomhoifig na heagraíochta i Halla Naomh Pádraig, Institiúid Oideachais Marino, Ascaill Uí Ghríofa, BÁC 9.

Is ceanneagraíocht í Gaeloideachas atá freagrach as an réimse Tumoideachas, Gaeloideachas agus Réamhscolaíocht lán-Ghaeilge a chur chun cinn.

Foirm Iarratais: Bainisteoir oiliúna agus acmhainní luathbhlianta