Folúntas le Gaeloideachas
Bainisteoir Tionscadail: Forbairt Ghairmiúil Leanúnach do na Luathbhlianta
Tá Gaeloideachas ag lorg duine le tuiscint agus taithí ar earnáil na luathbhlianta lán-Ghaeilge don ról nua seo. Post lánaimseartha atá ann, le conradh bliana.
Príomhchúraimí
- Comhordú ar fhorbairt ghairmiúil leanúnach don naíonra
- Obair i gcomhpháirt le páirtithe luathbhlianta eile le forbairt ghairmiúil leanúnach a oiriúnú do suíomhanna tumoideachais
- Tacú le cur i bhfeidhm an phlean náisiúnta don Ghaeilge sna luathbhlianta atá á fhorbairt ag an Roinn Leanaí, le foilsiú i 2026
Scála Tuarastail (Ardoifigeach Feidhmiúchán)
Scála státseirbhíse Ardoifigeach Feidhmiúcháin chiorclán 06/2025 Aguisín 1A (€58,264-€73,378) agus de réir coinníollacha an scála agus tuarastal reatha an iarrthóra. Leagtar amach téarmaí agus coinníollacha oibre uile an fhostaí sa chonradh fostaíochta agus i Lámhleabhar an Fhostaí.
Cáilíochtaí, Scileanna agus Taithí Riachtanach
- Céim tríú leibhéal nó a chomhionann;
- Tuiscint agus taithí ar an tumoideachas, go háirithe ag leibhéal an naíonra;
- Ardchaighdeán Gaeilge, idir labhairt agus scríobh;
- Ardscileanna eagrúcháin agus riaracháin;
- Ardscileanna cur i láthair agus cumarsáide, idir phearsanta agus theicniúil.
Iarratais
An spriocdháta le haghaidh foirm iarratais agus CV ná meánlae, 15 Nollaig 2025 ar ríomhphost amháin, chuig foluntais@gaeloideachas.ie. Ní ghlacfar le haon iarratais i ndiaidh an spriocdháta.
Foirm Iarratais – Bainisteoir Tionscadail le Gaeloideachas
Tá polasaí oibre hibrideach i bhfeidhm ag Gaeloideachas. Tá an post seo le bheith lonnaithe i bpríomhoifig na heagraíochta i Halla Naomh Pádraig, Institiúid Oideachais Marino, Ascaill Uí Ghríofa, BÁC 9. Beidh an lá/laethanta san oifig le n-aontú leis an Ardfheidhmeannach.
Is ceanneagraíocht í Gaeloideachas atá freagrach as an réimse Tumoideachas, Gaeloideachas agus Réamhscolaíocht lán-Ghaeilge a chur chun cinn.