Folúntas: Oifigeach Forbartha Gaeilge le Comhairle na Mumhan CLG
Tá folúntas fógartha ag Comhairle na Mumhan CLG d’Oifigeach Forbartha Gaeilge. Tá an post maoinithe ag Foras na Gaeilge agus is conradh 3 bliana atá i gceist.
Tréimhse an chonartha: Conradh ar théarma seasta 3 bliana
Láthair oibre: Áras Mumhan, Caladh an Treoigh, Luimneach
Freagrach do: Oifigeach Forbartha Gaeilge Náisiúnta CLG / Rúnaí Chomhairle na Mumhan
Beidh ról Oifigeach Forbartha Gaeilge na Mumhan tiomanta d’fhorbairt na Gaeilge i gCumann Lúthchleas Gael agus i measc an phobail i gCúige Mumhan. Cuirfidh Oifigeach Forbartha Gaeilge na Mumhan clár leathan forbartha Gaeilge i gcrích a fhorbróidh úsáid agus feiceálacht na Gaeilge sa Chumann i gCúige Mumhan i gcomhar le Comhairle na Mumhan CLG agus le hOifigeach Forbartha Gaeilge CLG i bPáirc an Chrócaigh. Aontófar spriocanna soiléire oibre a bhainfidh leis na feidhmeanna seo a leanas;
• An Ghaeilge a chothú ar ardáin éagsúla chumarsáide CLG na Mumhan.
• Béim faoi leith ar úsáid na Gaeilge sna meáin shóisialta agus ar an óige.
• Baill agus clubanna a spreagadh maidir le labhairt, úsáid agus forbairt na teanga. Bainfear úsáid as tionscadail reatha an Chumainn leis seo a bhaint amach agus forbrófar cláir eile de réir mar is gá le Comhairle na Mumhan CLG agus le hOifigeach Forbartha Gaeilge CLG i bPáirc an Chrócaigh.
Má tá spéis agatsa san obair seo agus má tá na cáilíochtaí agat, seol CV agus litir iarratais chuig https://www.jobs.ie/ApplyForJob.aspx?Id=2108279 roimh 3pm, Dé Céadaoin, 7 Nollaig 2022.
Gach eolas ag an nasc thíos.