Nuacht do Mhúinteoirí
Foilsíonn Gaeloideachas nuacht anseo go tráth rialta, chomh maith le nuachtlitreacha coicísiúla ar ríomhphost do naíonraí, bunscoileanna agus iar-bhunscoileanna araon. Is féidir clárú leis na nuachtlitreacha seo a fháil thíos. Coinnigh súil orainn ar na meáin shóisialta chomh maith, agus tá lán-fháilte romhat scéalta a roinnt linn trí ríomhphost a sheoladh chuig eolas@gaeloideachas.ie.
Folúntas: Comhordaitheoir Cnuasaigh ar Scéim Phíolótach na Scoileanna Beaga
Fógra poist ó Gaeloideachas: Comhordaitheoir Cnuasaigh ar Scéim Phíolótach na Scoileanna Beaga á lorg. Páirtaimseartha (ca. 5 uair an chloig sa tseachtain), 2 bhliain (féilire scoile)
Preasráiteas: Tús maith leath na hoibre
Tréaslaíonn Gaeloideachas leis an Roinn Oideachais agus leis an bhForas Taighde as foilsiú na tuarascála ar na scoileanna cás-staidéir sa Scéim Aitheantais Gaeltachta. “Is ábhar ceiliúrtha chomh mór céanna le hábhar machnaimh í an tuarascáil seo agus tugann sé ardú meanma dúinn go mbeidh forbairt shuntasach agus riachtanach á déanamh ar na scoileanna lán-Ghaeilge lasmuigh den Ghaeltacht ar an gcaoi céanna” – Bláthnaid ní Ghréacháin, Ardfheidhmeannach
Osradharc ar struchtúr na chéad bhliana bunscoile i gcomhthéacs an luath-thumoideachais iomláin
Le linn na ceardlainne seo, tabharfar spléachadh ar chórais agus cleachtais mholta mar a bhaineann le foghlaimeoirí na naíonán beag i gcomhthéacs an tumoideachais.
Taitneamh agus Tairbhe leis an Teanga Ó Bhéal!
Is ceardlann phraiticiúil í seo a dhíríonn ar an Teanga ó Bhéal sna hardranganna ag an mbunleibhéal. Tá an cur chuige cumarsáideach mar chuid lárnach de gach seomra ranga tumoideachais, ach chuir dúnadh na scoileanna bac ar roinnt den chleachtas seo le bliain go leith anuas. Cuireann an cheardlann cúpla moladh chun tosaigh chun an bhearna seo a líonadh.
New research published on why parents chose to send their children to Irish-medium immersion preschools
This study by Máire Mhic Mhathúna and Fiona Nic Fhionnlaoich investigated the reasons Irish parents chose to send their children to Irish-medium preschools settings over other forms of early childhood education.
