4. Scéalta
Is acmhainn an-luachmhar í an scéalaíocht dar ndóigh leis an teanga a shealbhú agus cur le stór focal ar théamaí éagsúla i mbealach siamsúil. Seo thíos roinnt scéalta ina bhfuil uimhreacha luaite nó deiseanna iontacha iontu roinnt den bhfoclóir a bhaineann leis an luathuimhearthacht threisiú. Is féidir an foclóir a chur i láthair na bpáistí ar bhealach gníomhach trí gheáitsí agus trí rudaí a thaispeáint dóibh chun brí a chur in iúl nó d’fhéadfaí mála scéalaíochta a úsáid le spreagadh breise a bheith ann (Tumoideachas sa Naíonra, 2018).
- An mbíonn Dónal an Chlúimh á léamh sa naíonra? Tá físeán iontach anseo ó Naíonra Naithí ag léiriú comhaireamh i nGaeilge i mbealach an-spreagúil agus soiléir
- Dar ndóigh, is scéal iontach é Na Trí Mhuicín le díriú ar an teanga a bhaineann leis an mata. Éist leis á léamh ar Cúla4 ar Scoil anseo
- Tá teacht ar Cinnín Óir agus na Trí Bhéar ar chainéal Youtube An Gúm agus taifead fuaime ar a gcainéal Soundcloud
- Is féidir éisteacht le Bran ag Comhaireamh á léamh ag Nóirín anseo
- Cá bhfuil Tata? Ainmhí beag é Tata ach tá sé ar iarraidh san fhoraois. Tugtar seans don léitheoir beag é a chuardach agus buaileann muid le go leor ainmhithe eile i rith an ama. Múintear comhaireamh simplí ag an am céanna. Tá an scéal á léamh ag Donnach ó Ghlór na nGael anseo
- Éist leis Na Trí Ghabhar Chliste anseo ar chainéal Soundcloud An Gúm
Seo roinnt leabhar eile a chuirfidh le stór focal na bpáistí ar an luathuimhearthacht:
- An Chéad 100 Uimhir
- Caitlín agus Cormac – Lá Mór Fada
- Cillian ag Comhaireamh
- Comhaireamh – an Fheirm
- Cruthanna – sa Teach
- Dathanna – an Zú
- Léann Bran an tAm
- Na Trí Bhéar
- Na Trí Ghabhar Chliste
- Na Trí Mhuicín
- Ó Mhaidin go hOíche
- Tá Bran in ann Comhaireamh