Puisín na mBróg (Futa Fata) – ar ghearrliosta Ghradam Leabhair Pháistí Éireann 2026
Tá Puisín na mBróg, athinsint Fhearghais Mhic Lochlainn ar an síscéal cáiliúil, ainmnithe ar ghearrliosta Ghradam Leabhair Pháistí Éireann 2026. Is é an t-aon leabhar Gaeilge atá ar an liosta. Is féidir le ranganna scoile, grúpaí óige, clubanna leabhar agus suíomhanna luath-óige clárú ar shuíomh gréasáin Leabhair Pháistí Éireann, teidil oiriúnacha a roghnú ón ngearrliosta agus aiseolas agus scóir a sheoladh chuig Leabhair Pháistí Éireann. Bronnfar Gradam na Moltóirí Sóisearacha ar an ealaíontóir buacach ar an 18ú Bealtaine.