Tá sparánacht nua, Féilte, fógartha ag an gComhairle Mhúinteoireachta le déanaí agus tá eolas ina leith ar fáil ar líne anois. Deis iontach a bheidh ann do scoileanna lán-Ghaeilge agus Gaeltachta a bheith ag obair i dteannta a chéile agus comhoibriú idir na leibhéil a spreagadh chomh maith.

Beidh scoileanna in ann iarratas a dhéanamh ar sparánachtaí de €2,000, €3,000, agus €5,000 chun tacú le gníomhaíochtaí foghlama gairmiúla comhoibríocha ina bpobail scoile.

Ní mór do na gníomhaíochtaí a ailíniú le ceann amháin nó níos mó de na réimsí seo a leanas:

Pobail Foghlama Gairmiúla a Chruthú: Comhoibriú le scoileanna eile sa cheantar áitiúil chun pobail foghlama gairmiúla a chruthú i dtaca le leasanna oideachais comhroinnte.

Ceardlanna/Imeachtaí a Óstáil: Múinteoirí ó scoileanna éagsúla a thabhairt le chéile chun dea-chleachtais a roinnt agus chun foghlaim óna chéile (lá um fhoghlaim chomhroinnte, mar shampla).

Cuireadh a thabhairt do chainteoirí: A shocrú go dtabharfaidh cainteoir seisiún forbartha nó faisnéise do mhúinteoirí i do scoil nó i gcnuasach scoileanna.

Imeachtaí/Cláir Chomhpháirteacha um Fhorbairt Ghairmiúil: Comhoibriú le scoileanna eile chun imeacht nó clár forbartha gairmiúla a eagrú i ndáil le hábhair cosúil le dearadh uilíoch don fhoghlaim, teicneolaíocht san oideachas, nó cleachtas athchóiritheach.

Staidéar Ceachta a Eagrú: Dul i gcomhpháirtíocht le scoileanna eile chun staidéar ceachta a dhéanamh ina ndéanann múinteoirí foghlaim agus múinteoireacht a phleanáil chomh maith le breathnú agus anailís a dhéanamh orthu.

Má tá aon cheist agat nó má theastaíonn tuilleadh eolais uait, is féidir leat teagmháil a dhéanamh leis an gComhairle Mhúinteoireachta ag feilte@teachingcouncil.ie.

https://www.teachingcouncil.ie/ga/sceim-sparanachtai-feilte-2024/