Cabhróidh an Comhrá Náisiúnta seo ar Oideachas le heolas a chur ar fáil don Chomhdháil um Oideachas, a bheidh ar siúl in 2026/27. Is deis aonuaire amháin í seo do leanaí, do dhaoine óga, do thuismitheoirí, d’oideachasóirí agus don tsochaí i gcoitinne chun cabhrú le córas oideachais na hÉireann a mhúnlú sna blianta amach romhainn.

Mar sin, tá muid chun Tae & Plé na míosa seo a chur ar ceal, agus iarrann muid go láidir oraibh freastal ar an imeacht (ar líne) thíos ina áit. Seo é an t-aon imeacht trí Ghaeilge atá curtha ar fáil do mhúinteoirí naíonra, mar sin, tá sé forthábhachtach go mbeidh freastal ard ann agus bhur dtuairimí tugtha don Roinn Leanaí le linn an tseisiún. 

Mhaireann na seisiún 1.5 uair in fhad agus tugtar deis do gach duine a thuairimí a roinnt. Cruthóidh na smaointe bailithe:

• plé níos fairsinge mar chuid den Chomhrá Náisiúnta ar an Oideachas;
• Céim 2 de An Todhchaí a Mhúnlú: an Plean Gníomhaíochta Luathbhlianta; agus
• an straitéis a thiocfaidh in ionad Na Chéad 5: an Straitéis Uile-Rialtais do Naíonáin, Leanaí Óga agus a dTeaghlaigh 2019-2028.

Cén cineál todhcaí ar mhaith leat don naíonra? Seo an deis do chuid tuairimí agus smaointe a roinnt.

Fón: 051295045
Ríomhphost: info@cccw.ie

Cláraigh anseo