Dé Máirt 25ú labhair Orlagh Ní Fhaoláin (Príomhoide, Gaelcholáiste Cheatharlach), Bróna Ní Uallacháin (Coláiste Chroí Mhuire, An Spidéal) agus Diarmaid Ua Bruadair (Príomhoide, Gaelcholáiste Dhoire) faoi shlite chun na Gaeilge labhartha a chur chun cinn lasmuigh den seomra ranga i scoileanna dara leibhéal.

Beidh leagan nua de Beatha Teanga forbartha ag Gaeloideachas i mbliana, bunaithe ar thaithí agus ar dhea-chleachtas ó scoileanna. Is í sprioc Beatha Teanga ná dearcthaí dearfacha agus gníomhartha a spreagadh i measc phobail na scoileanna lán-Ghaeilge agus Gaeltachta a chuirfidh le cur chun cinn na Gaeilge mar theanga na cumarsáide, an spraoi agus an tsóisialaithe. Má tá suim agat a bheith mar chuid den fhorbairt sin seol r-phost chugainne.