Tá Ollscoil na Gaillimhe ag fáiltiú roimh iarratais ar cheapachán ar chonradh sainchuspóra circa trí bliana mar Léachtóir le hOideachas sna Luathbhlianta ag díriú go sainiúil ar an earnáil lán-Ghaeilge. Ceann de phríomhaidhmeanna an phoist is ea go gcuirfí leis an teagasc agus an taighde san Oideachas agus sa Chúram Luath-Óige (ECEC) i suíomhanna lán-Ghaeilge mar chuid den iarracht ghinearálta pobail Ghaeilge a chothú. Beidh an post lonnaithe i Scoil an Oideachais in Ollscoil na Gaillimhe agus beidh ceangal aige le hAcadamh na hOllscolaíochta Gaeilge.

Tabhair faoi deara, le do thoil, go bhfuil inniúlacht leibhéal C2 i nGaeilge scríofa agus labhartha ag teastáil don phost seo. Déanfar measúnú Gaeilge roimh agallamh chun an inniúlacht sin a mheas.  Féach ar an Greille Féinmheasúnaithe thíos.

I gcás fiosrúcháin neamhfhoirmiúla, déan teagmháil leis an Ollamh Gerry Mac Ruairc gerry.macruairc@oegaillimh.ie

Is é an dáta deiridh a nglacfar le hiarratais 17:00 (Am na hÉireann) ar an Déardaoin, 6 Aibreán 2023. Ní fhéadfar breithniú a dhéanamh ar aon iarratas a gheofar tar éis an spriocdháta.

Beidh grinnfhiosrúchán an Gharda Síochána le déanamh.

Beidh ceapacháin ag brath ar chead oibre a bheith bailí.

Tá tuilleadh sonraí le fáil ar www.dbei.ie

Chun tuilleadh eolais agus Foirm Iarratais a fháil, féach ar an láithreán gréasáin:

 http://www.nuigalway.ie/about-us/jobs/ Ba cheart iarratais a dhéanamh ar líne.

Tuilleadh eolais anseo: UofG Gaeilge Version Lecturer Irish Post 0000699880